كذب × كذب

************

صباحكمـ | مساءكمـ كل الخير

صار لي موقف بالجامعه بصراحهـ كان موقف غيييير

عن كل المواقف مره كانت علينا محاضره

وباقي على بدايتها دقيقتين تقريباً

المهم سألنا الإشراف عن الاستاذه

هي جايه ولا لا فقالوا لنا لا غايبه

انا وصديقاتي كنا جالسين نتقهوا

فقامت وحده من صديقاتي وقالت :لازم نروح نشوف

القاعه ممكن تكون جت أفضل لنا نتأكد بأنفسنا

(لآن أكثر من مره يقولون لنا الإشراف كلام ولا يصير صح)

فقمت أنا وهي والباقين

جلسوا يتقهون وحنا رايحين للقاعه طرت علي فكره

وليتها ماطرت

هو أننا ندق على صديقاتنا

على اننا في القاعه ونقولهم ان الاستاذه موجوده

وبدت تأخذ الغياب و و و << الكذب بيّـن

فدقيت أنا وصديقتي عليهم

و قلنا لهم : بسسسسرعه الاستاذه جت

قالت صديقتي اللي كنت اكلمها: شلون جت وهم يقولون

لنا غايبه قلت لها: مدري بس بسرعه تعالوا

وخلوا القهوه في مكانها لأنا بنرجع اللحين

نتقهوى قالت: طيب طيب بنخلي

لكم القهوه واحنا بنروح للقاعه

المسكينه ارتبكت ولا استوعبت الكذبه

ولا شلون نكلمها بالقاعه والاستاذه موجوده

واقولها بنرجع اللحين نتقهوى؟؟هههه

ولا نقدر نستأذن من هالاستاذه

لأنها معروفه انها ما طلع احد

المهم جلسنا ننتظرهم

في مكان نشوفهم فيه ولا يشوفونا شوي

إلا بنات القاعه كلهم يركضون وعددهم بصراحهـ

كثيييير رايحين للقاعه واحنا ما ندري وش سالفتهم

سألنا وحده منهم قالت : يقولون بدت المحاضره

والاستاذه اخذت الغياب بسرعه تعالوا معنا

واحنا زي المثل اللي يقول- كذب كذبه وصدقها–

هههههه والله بغينا نروح معهم شافونا

صديقاتنا واحنا نكلم البنات

وقالوا :وش فيكم هنا؟؟ وين الاستاذه؟؟

بنات القاعه كلهم وقفوا ينتظرون الإجابه

بصراحه ما كان عندنا رد فقمنا نضحكـ

ودروا ان السالفه كلها كذب × كذب

وبصراحه رحنا في خبر كاااااان هههههه ^_^

احنا كنا متوقعين ان بس صديقاتنا هم اللي راح يجون

لكن الله يهديهم البنات اذا لقوا وحده

من بنات قاعتنا على طريقهم قالوا لها

أكثر شيء كسر خاطري هو أن بعض البنات حوامل

وحنا مشورناهم طالعين درج ونازلين درج

ولا الباقين ما عليه عادي يسون رياضه

بصراحه اخذنا درس حلو وعرفت

بعدها أنا وصديقتي ان الكذب نهايته شينه 😦

ولا عمرالكذب جاب فايده

وقررنا بعدها اننا ما عاد نكذب<< لآنهم ما فكونا

إلا بعد ما وعدناهم ^_^

أهم شيء أنتم زوار المدونه خذوها نصيحه مني

لا تكذبوون أخاف يصير فيكمـ مثل

ما صار فيني أنا وصديقتي

*_*